Apa Khabar Sahabat kita???

Aduh... lamo doh weh Pak Do dop nulis dalam blog ni. Pak Do sibuk benar loni. Dop dang nok nulis. Pak Do duk nengung sakni. Pah sore-sore muko saing-saing Pak Do duk main dale fikiran Pak Do. Rindu weh Pak Do ko saing-saing Pak Do. Apo koba eh demo tuh?

Pak Do rindu ko saing-saing Pak Do dulu. Maklumlah demo tu pun jadi orang belako doh. Masing-masing sibuk dengan aliran hidup masing-masing. Tapi Pak Do bersyukurlah semuo saing-saing Pai Do berjayo semuo. Tak dop lagi lah Pak Do dengar saing-saing Pak Do hok jadi penyamun. Alhamdulillah...

Pak Do nok kobar sikitlah ko saing-saing hok lost contact tu. Pak Do nok cerito sikit saing-saing Pak Do duk buat gapo loni. Hok mano Pak Do dop sebut tu, tolong la ata-ata berito ko Pak Do ni deh. Kito saing-saing ni janganlah putuh hubungan belako. Nok tahu jugok kobar berito. Pak Do mulakan dengan 'Couple of the Year' kito dulu. Deh deh...

Muhammad Faiz:
Paih atau abe hendem kito loni ni bertugas di Sarawak. Pak Do dop ingat alah mano doh. Tapi hok pasti di Sarawaklah. Dio loni jadi cikgu hok paling dedikasi di Sarawak. Dop lamo lagi dapat anugerah cikgu terbaiklah tu. Dop pun dapat anugerah cikgu hok paling kuat ngepek... hahaha... mugo hok berehi ngepek sokmo deh keyyy... ko guano? Pak Do dop merisik-risik lagi tanyo lagu mano kisah cinto dio loni... bilo nok nikoh? tapi hok pasti loni... sebelum meletakkan telefon... ayat akhir dio mesti... I LOVE U SAYANG... MUAHHHS... ganah-ganah...

Zalzalah:
Zalzalah ado contact Pak Do baru-baru ni. dio kato bereh lagi setakat ni negajar fi Pasir Gudang, Johor Bahru. Dio pun kato ko Pak Do cinto dio nga Cikgu Paih pun masih lagi utuh walaupun kadang-kadang ado sikit goyang. Tu perkaro biasolah Kak Lah wei... bendo ni kalu manis sokmo dop leh jugok, ke tey ko kecing manis. kadang-kadang keno ado jugok gelora dia, barulah sedak sikit alam percintaan tuh... wah Pak Do lebih-lebih plok. Pak Do sendiri pun dop ajin bercinta-cintun ni. tapi hok mano sapa seru dulu... bismillah laaaa deh... Pak Do dengan saing-saing sentiasa mendoakan. Ye Kak Lah...

Azizul Izani @ Fok Jo:
Pok Jo loni jadi cikgu jugok. dio jadi cikgu di JB jugok. Area Pasir Gudang jugok. dekatlah dengan tempat Kak Lah kito. ore kato so PPD lah duo tuh. Pok Jo ni kalu kito tengok dulu gak MEDUUU jah... hahaha... jange maroh Jo... tapi gak rezeki ore deh... manolah kito tahu. loni jadi cikgu doh. pitih banyok Pok Jo loni. hidup pun sene di samping cik Ani dio lah. Aik!!! ado ore pelek ko? Cik Ani tu kekasih Fok Jo lah. Pak Do dengar kaba, Cik Ani ni ustazah. Aduh... masukkk molek doh Cikgu dengan Ustazah... Aman hidup... amin... hoh.. guano Cik Yah napok nengung!!! tu lah dulu ore suruh ejah Fok Jo awal-awal jual mahal, loni Fok Jo jadi cikgu doh laaa... dan hati Fok Jo sudah di miliki... jangan marah ye Cikyah...hahaha... Makan hati berulam jantung la Cik Yah... huhuhu...

Harmizee @ Mijie @ Sherek @ Busu @ Lipas @ Mijie Naga:
Mijie ni lamo senyap... Pak Do duk rusing Mijie ni gi mano. Setahun sekali jah timbul. tu pun time rayo. adolah Pak Do terimo sms rayo dari mijie ni. dop tahu buat gapo. lepas tu lamo-lamo Pak Do duk merisik Mijie ni duk buat gapo, last sekali Pak Do tahulah Mijie kito loni bakal jadi cikgu jugok. dio loni duk ngaji di Penang. buat KPLI jugok. bagus la abe Mijie weh. Rezeki jadi cikgu gak.. tapi gak, kalu jadi cikgu tu bo lah duk buat perangai lamo weh... jange duk buat ULURAN di sekoloh sudoh... hahaha... ke lain plok jadi. tapi benanyo Mijie ni juruh orangnya. Gud Luck la mijie deh... Pak Do doakan Mijie berjaya menjadi seorang pendidik. Opsss!!! so lagi Pak Do nok tanyo Mijie wes... bilo nok nikoh dengan Kak Gee nyoh... beleh doh koho2... Kak Gee pun dengar kato ngajar di Pahang deh. Kuantan ko mano doh... molek laaa,... cikgu samo cikgu...

Azli @ Mat Lie:
Mat Li ni duk ngaja di Sarawak kalu dop silap Pak Do... Cikgu jugokkk... ramai saing2 Pak Do jadi cikgu ni. Mat Li ni lamo sangat Pak Do dop dengar cito. Ata-ata cito etek eh Mat Li wehhh... jadi ore ko jadi KORE loni... aloh la hooo... kalu dale bulan ni dop ata cito jugok... Pak Do kerat Abe Mat tuh.. barulah dop leh jadi Boyo.. Tau la azab dio.. hahaha... Mat Li ni maso ngaji dulu gak tak dop la Boyo no 1 di Um. pantang tengok dahi licin, semuo dio nok sebat. Pak Do telopong jah tengok. tapi Pak Do banyok cito lucu dengan Mat Li ni. dop la cito ni... bendo tu P&C. huhuhu...

Fauzi @ Poji:
Hurm... lagu mano nok cito pasal poji nih. Pak Do dop contact lamo doh dengan Poji ni. Apo koba Poji loni? last sekali Pak Do jupo dio taun lepas di Niosh, Bangi. kalu sapo2 tahu cito Poji ni, oyak ko Pak Do deh...

Amin @ Jak:
Jak Loni pun jadi cikgu doh... cikgu alah mano Pak Do dop tahu. Jak skat-skat jadi cikgu ni dop contact doh Pak Do. Rindu Pak Do ko Jak. lamo dop dengar Mat Jak Bual... ahahaha... Tapi moleklah Jak kalu jadi cikgu doh gak. ngaja anak murid molek-molek tuh. jange duk BUAL jah lebih... hahaha... bereh sek kito...

Fairuz @ Ben:
Cito Ben ni Pak Do sedih sikit nok cerito. tapi gak sebab saing-saing nok tahu jugok, Pak Do keno cito la jugok. Ben loni duk kg. buat kerja-kerja Kg jah. dio dop abis ngaji disebabkan faktor ekonomi yang kurang mengizinkan. dia ado 3 sem lagi untuk dihabiskan. sedih Pak Do tengok Ben. tapi dio Bereh semace. Ben ni budok cerdik, tapi sayanglah, nok buat guano, rezeki nok habiskan pengajian tak dop. tapi Ben tengog berusaha untuk menyambung pelajarannya loni. kita sama-sama doakan dan membantu Ben ye Kawan-kawan...

Erm... sapo lagi eh...

Koiri @ Koyie:
Koyi pun jadi cikgu loni. selain dari jadi cikgu, biasolah koyi ni bergiat aktif dalam dikir baratlah. syabas koyi sebab cuba menaikkan martabat dikir barat kito. ajok mijie lah jadi tukang karut... hahaha... ingat sejarah kita??? tu semua kenangan indah bagi kita semua. dengar khabarnya koyi ni dop lamo doh nok tunang dengan Cham... molek lahh... moga berkekalanlah ye...

Nazeri @ Pok Yie tukang masok:
Pok Yie loni duk jual anggur lagi. dio duk tengoh-tengoh cari kerja selepas abis kontrak jadi R.A Abu Hassan. loni dio ado di KL. Kito samo-samo doakanlah Pok Yie dapat kerja yang baik-baik ye... Amin...

Pak Do:
Tak dop nok cerito gapo-gapo pasal Pak Do. Supo dulu jugok. tak dop perubahan, cumo badan jah makin berkembang dan terus berkembang... dan kembang lagi...

Pak Do bereti sini dulu deh... Boss Pak Do duk jeling tebalik doh tu... nanti Pak Do cito pasal saing-saing lain plok deh... hok Pak Do dop sebut jange duk kecik hati... Pak Do tulis lain plok... Saing-saing atalah koba ko Pak Do etek... perkembangan terbaru...